Novas
18.05.2012
A CORUÑA ACOLLERÁ O ACTO DE ENTREGA DAS DISTINCIÓNS AO MÉRITO DEPORTIVO DE GALICIA
Grandes figuras do deporte mundial como Amancio Amaro, Marcelino e Fernando Romay serán distinguidos nesta ocasión.
O acto de entrega das Distincións ao mérito deportivo de Galicia desenvolverase, o vindeiro xoves 24 de maio ás 19:30h, no Paraninfo da Universidade da Coruña.
As Distincións ao mérito deportivo foron creadas por resolución do secretario xeral para o Deporte (DOG do 4 de novembro de 2010) e son concedidas en recoñecemento da labor ou traxectoria, notoria e exemplar no ámbito deportivo de Galicia, ás persoas físicas ou xurídicas, entidades ou organismos, que estean contribuíndo, ou tiveran contribuído ao crecemento, promoción, fomento e excelencia do deporte e a educación física en Galicia.
O xurado está presidido por José Ramón Lete, secretario xeral para o Deporte, o secretario é Carlos Gómez Martínez, subdirector xeral de Deporte, e conta con 18 vocais:
| ENTIDADE | | NOME |
| SX para o Deporte | Xefe do Servizo prov. de A Coruña | Roberto García Fernández |
| SX para o Deporte | Xefe do Servizo prov. de Lugo | José Manuel Rozas Bello |
| SX para o Deporte | Xefe do Servizo prov. de Ourense | Mario Guede Fernández |
| SX para o Deporte | Xefe do Servizo prov. de Pontevedra | Daniel Benavides Alonso |
| Fundación deporte galego | Xerente | Javier Rico Díaz |
| Fac. CC do Deporte e a Educ. Física | Decano | Rafael Martín Acero |
| Fac. CC da Educ. e do Deporte | Decana | Francisca Fariña Rivera |
| Asoc. Olímpicos gallegos | Presidente | Carlos Pérez Alonso |
| Federacións | Participante en 4 XXOO | José Alfredo Bea García |
| Federacións | Presidente UFEDEGA | Jesús Pedrido Conde |
| CRTVG | Área de deportes | Ana Carragal |
| Diario de Pontevedra | Redactor Xefe de deportes | David Acevedo |
| El Correo Gallego | Xefe de deportes | Nicolás Navaza |
| El Ideal Gallego | Redactor Jefe de deportes | Lois Novo |
| El Progreso | Coordinador de deportes | Luís Rúiz |
| Faro de Vigo | Redactor jefe de deportes | Juan Carlos Álvarez |
| La Región | Jefe de deportes | José Luís Díaz |
| La Voz de Galicia | Xefe área de deportes | Fernando Hidalgo |
Entre os galardoados destacar a presenza de Amancio Amaro, Marcelino Martínez, Severino Reija e José Fidalgo Veloso, son catro dos cinco galegos gañadores da Copa de Europa do ano 1964 (Luís Suárez xa foi recoñecido no ano 2011). Tamén se recoñecerá a Fernando Romay, prata nos Xogos olímpicos de Los Angeles´84, e a outras destacadas persoas e entidades. (Axúntase lista completa).
O secretario xeral para o Deporte destacou que “Estas distincións son o necesario recoñecemento para os grandes do deporte de Galicia. Sen eles non se podería entender o deporte galego de hoxe”. Así mesmo expuxo a súa satisfacción “de poder recoñecer a aqueles que destacaron en diferentes facetas do deporte, dende grandes deportistas como Amancio ou Fernando Romay, ata directivos que puxeron en marcha proxectos sen os que hoxe non entenderíamos o deporte galego, como a familia Rodríguez, ou entidades como o CB Breogán SAD que sitúan a Galicia na elite do deporte”.
Dende a Secretaría xeral para o deporte queren mostrar o seu agradecemento a todos os galardoados, aos seus familiares, e a todos os membros do xurado pola colaboración mostrada para que o vindeiro xoves podamos gozar duna festa do deporte de Galicia.
Vistas: 1051
