Novas
13.07.2012
CONSTITUIDO O COMITÉ GALEGO DE XUSTIZA DEPORTIVA
Durante esta primeira sesión, os membros procederon á elección do seu Presidente, sendo finalmente elixido para o cargo Miguel Juane Sánchez.
Logo da publicación o pasado mércores no diario oficial de Galicia da resolución do 4 de xullo de 2012, da secretaría xeral para o Deporte, pola que se nomean os membros do Comité Galego de Xustiza Deportiva, o máximo órgano da xustiza deportiva galega celebrou no día de hoxe en Santiago de Compostela a súa sesión constitutiva.
Nesta nova etapa, forman parte do Comité Miguel Juane Sánchez, Cristina Pedrosa Leis e María Dolores Rodríguez Rodríguez, permanecendo no mesmo Ángel Luis Rebolledo Varela e Rafael Tena. As suplencias serán asumidas por María Teresa Álvarez Villaverde (quen xa ocupara a función de secretaria neste órgano en anteriores etapas) e Miguel Meleiro Vázquez. Todos os membros do Comité son recoñecidos avogados con experiencia acreditada en distintos ámbitos do Dereito.
Durante esta primeira sesión, os membros procederon á elección do seu Presidente, sendo finalmente elixido para o cargo Miguel Juane Sánchez.
Trala sesión, os membros do Comité foron recibidos polo secretario xeral para o Deporte, José Ramón Lete, quen tivo unhas palabras de benvida para todos eles.
Vistas: 851
