Novas
29.08.2011
A FUNDACIÓN DEPORTE GALEGO CONCEDE AXUDAS POR UN IMPORTE DE 450.000 EUROS A 221 DEPORTISTAS GALEGOS/AS DE ALTO NIVEL
Publícase a resolución da Comisión Permanente da Fundación Deporte Galego pola que se conceden 221 axudas a deportistas galegos/as de alto nivel o que supón un incremento dun 7% de beneficiarios/as respecto a convocatoria do exercicio 2010.
O número de beneficiarios/as de cada unha das dúas liñas de axuda da convocatoria é o seguinte:
- Axudas XXOO/XXPP Londres 2012.
De Pequín 2008 a Londres 2012:
12 beneficiarios/as. Entre estes beneficiarios/as, os deportistas que obteñen a axuda máis alta (18.000 euros), son David Cal, Carlos Pérez, Javier Gómez Noya, Pablo Cimadevila e Chano Rodríguez.
Destino Londres 2012:
24 beneficiarios/as. Entre estes beneficiarios/as, os deportistas que obteñen a axuda máis alta (6.000 euros), son Andrea Rica, Begoña Fernández, Estefanía Hernández, José Cuba, José Luís Bouza, Lara Cacabelos, Nuria Domínguez, Sofía Toro e Tamara Echegoyen. - Axudas DGAN (Deportistas Galegos/as de Alto Nivel)
185 beneficiarios/as. Entre estes beneficiarios/as, os deportistas que obteñen a axuda máis alta (2.891,72 euros), son Alejandro Vidal, Ana Vanesa Rial, Artemio Formoso, Paula Medín e Rocío García.
Tal e como se pode observar na resolución, dado que o ano 2011 é o ano Preolímpico e Preparalímpico, fíxose un esforzo importante para apoiar a todos aqueles deportistas que xa teñen garantida a súa participación nos vindeiros XXOO/XXPP de Londres e a aqueles que aínda están pelexando por obter a súa clasificación. De tal xeito, é a convocatoria na que máis dotación orzamentaria se destinou para apoiar a estes deportistas
Esta resolución efectúase segundo os criterios establecidos nas bases da citada convocatoria, cuxo anuncio foi publicado no Diario oficial de Galicia o día 19 de maio de 2011.
Vistas: 4733
