Federacións
As federacións deportivas galegas, na súa función de colaboradores da administración pública galega, son un importante axente dinamizador para levar a cabo a organización e desenvolvemento de programas e actividades que impulsen a súa modalidade deportiva no ámbito de Galicia.
O incremento da práctica deportiva federada, en todas as idades e sexos, a adquisición de valores e hábitos de vida saudables a través da competición deportiva regrada, e a mellora da xestión federativa son eixos de traballo fundamentais para esta Secretaría xeral para o deporte.
Por estes motivos e para este ano 2013, a Secretaría xeral para o deporte vén de formular un novo programa de apoio e colaboración coas federacións deportivas galegas a fin de garantir o desenvolvemento das competicións deportivas oficiais, a participación das seleccións galegas, o fomento do deporte feminino e da respectiva modalidade deportiva entre persoas con discapacidade, o fomento do deporte base, a tecnificación, a actividade deportiva en idade escolar así como outros proxectos de especial relevancia no ámbito das distintas federacións.
A Secretaría Xeral para o Deporte ven así a materializar, dentro do primeiro trimestre do ano, a que sen dúbida é unha das súas principais funcións e cometidos: o establecemento das bases de colaboración e o soporte financeiro ás federacións deportivas para o desenvolvemento dos seus respectivos programas de actividades.
Xustificación Convenio 2013
Guía informativa para a presentación da xustificación.
Impreso certificado anticipo.
Relación clasificada gastos.
Anexos II, III e IV.
Índice da memoria de actividades.
